Búgingi erekshe datada astanada 240-qa jýyq neke qıyldy

NUR-SULTAN. QazAqparat - Búgin, ıaǵnı 2022 jyl 22 aqpan – kóp adamdardyń pikirinshe, erekshe maǵynaǵa ıe kún. Erli-zaıyptylar osyndaı erekshe kúnderi zańdy nekege turýǵa tyrysady, dep habarlaıdy QazAqparat Nur-Sultan ákimdiginiń resmı saıtyna silteme jasap.

Tańerteńnen bastap AHAT-tyń elordalyq bólimderinde alǵashqy otbasylyq qujatyn alý úshin jas jubaılar tizilip turdy.

Búgin Nur-Sultanda kúnniń sońyna deıin 240-qa jýyq jup neke qııý rásimin ótkizedi.

«Sandary sáıkes mundaı kúnder jas jubaılar arasynda suranysqa ıe. Mysaly Esil aýdanynda kúnine orta eseppen 30-40 jup tirkelse, búgin jumys kúniniń sońyna deıin 100-ge jýyq jas nekesin tirkeıdi dep kútilip otyr. Jas jubaılarǵa otbasylyq baqytty ómir, berik neke tileımin! Bul kún olarǵa sáttilik pen amandyq ákelsin!» - dep atap ótti Esil aýdany ákimdigi AHAT bóliminiń basshysy Raýshan Zarırova.

Aıta ketý kerek, sońǵy jyldary elordada resmı túrde nekesin tirkeıtin jańa otbasylardyń sany únemi ósip keledi.

Sonymen, 2020 jyly 9 571 jup nekesin qısa, 2021 jyly – shamamen 12 myń.

Sarapshylardyń aıtýynsha, olar qazir nekege turýǵa jáne otbasyn qurýǵa jaýapkershilikpen, sanaly túrde qaraıdy.

Búgingi tańda jas jubaılardyń ortasha jasy - 26-28 jas, al 4-5 jyl buryn ol 22-23 jas bolatyn.

Tek jastar ǵana emes, sonymen birge 50-60 jáne tipti 70 jastaǵy úlken kisiler de bar.