Búgin Shymkentte qoǵamdyq kólikpen júrý – tegin

ShYMKENT. QazAqparat – Jalpyhalyqtyq referendýmǵa oraı búgin Shymkent qalasynda qoǵamdyq kólikter halyqqa tegin qyzmet kórsetedi, dep habarlaıdy QazAqparat tilshisi.

5 maýsym kúni Shymkentte turǵyndar referendým ýchaskelerine esh kedergisiz jetýi úshin barlyq qoǵamdyq kólik kúni boıy tegin qatynaıdy.

Halyqtyń da belsendiligi joǵary. Tańerteń ertemen Shymkent qalasynyń jas otbasylary Erkebulan men Sabına uldary Eldarmen birge bolashaǵy úshin óz tańdaýyn jasady.

Jasy 80-nen asqan qarııa Telman Ahmetjanov ta daýys berý úshin referendým ýchaskesine alǵashqylardyń biri bolyp keldi.

«El bolashyǵynyń jarqyn bolýy ózimizge baılanysty», - dep biletin 82 jastaǵy Gabdýrashıt Imbergenov te №13 referendým ýchaskesinde daýys berdi.

Aıta keteıik, eń birinshi daýys berýshilerge referendým ýchaskelerinde túrli syılyqtar taratylyp jatyr.