Búgin olımpıada alaýyn «Baıqońyrǵa» jetkizedi

ASTANA. 21 qazan. QazAqparat - Dúısenbi, 21 qazan kúni Sochı - 2014 olımpıada alaýynyń estafetasy bir kúnge toqtaıdy. Ol ýaqytta, ıaǵnı búgin olımpıada alaýy halyqaralyq ǵarysh stansasyna jańa ekspedıtsııa ekıpajymen «Baıqońyr» ǵarysh aılaǵyna An-12 júk ushaǵymen jetkiziledi jáne ¹254 alańynda «tazalyq bólmesine» ornalastyrylady. Keıin alaý «Soıýz TMA -11M» ushqyshty korabline salynady. Onymen jańa ekspedıtsııa iske qosylǵan kúni halyqaralyq ǵarysh stansasyna attanady, dep habarlaıdy sport-express.ru saıtynan.

«Soıýz» pılotty ushaǵynyń HǴS-ǵa jańa ekıpajben iske qosylýy 7 qarashaǵa josparlanǵan. Ekıpajdyń quramynda Reseıǵaryshynyń ǵaryshkeri Mıhaıl Tıýrın, NASA astronavty Rıchard Mastrakkıo men japon ǵarysh agenttiginiń astronavty Koıtı Vakata bar.

Olımpıada alaýyn ashyq ǵaryshqa HǴS bortynan qazir stansadaǵy ǵaryshkerler Oleg Kotov pen Sergeı Rıazanskıı 9 qarasha kúni alyp shyǵady.