Búgin – Qurban aıt merekesiniń birinshi kúni
Qurban aıttyń birinshi kúni 28 maýsymǵa túsip tur. Aıta keteıik, úsh kúndik merekeniń alǵashqy kúni elimizde demalys sanalady. Bul kúnderi qurbandyqqa mal shalyp, azyǵy joq, muqtaj jandarǵa taratyp beredi. Islam túsinigi boıynsha joq-jitik jandarǵa kómektesý saýapty is. Sondaı-aq, musylmandar qulshylyq etip, kóbirek jaqsy amaldar jasaýǵa tyrysqany jón.
Atap aıtqanda, mereke kezinde Qurban aıt namazy oqylady. Aıta keteıik, ár óńirde namaz oqýdyń bekitilgen ýaqyty bar. Atalǵan merekege tán mindet – Qurban shalý. Eske sala keteıik, qurbandyqqa shalatyn malǵa jáne soıýǵa qatysty qoıylatyn arnaıy talaptar bar.
«27 maýsym – Arapa bolsa, 28 maýsym – Qurban aıt meıramynyń alǵashqy kúni. Qurban shalýdyń ýaqyty 28 maýsym kúni aıt namazy oqylyp bolǵannan keıin bastalsa, aıaqtalýy 30 maýsym keshki aqsham namazyna deıin jalǵasady. ıAǵnı, atalǵan ýaqyttan tys qurban shalýǵa, ýaqytynan erte jáne keshigip te qalýǵa bolmaıdy. Aıt namazy Astana qalasynda tańǵy 6.00-de bastalady. Ózge qalalar boıynsha aqparatty muftiyat.kz saıtynan qarap alsańyzdar bolady», - dedi bas múftıdiń keńesshisi Kenjetaı Dúısenbaı Ortalyq kommýnıkatsııalar qyzmetinde ótken baspasóz máslıhatynda.
Hanafı mázhabynda Qurban aıt kúnderi baı adamǵa qurban shalý – ýájip ıaǵnı mindet. Sharıǵat boıynsha «baı» dep mal-dúnıesi nysap mólsherine jetken adamǵa aıtylady. Mal-dúnıesi nysap mólsherine jetpegen, ıaǵnı jaǵdaıy tómen musylmanǵa qurban shalý mindet emes. Aıt kúnderi az da bolsa sadaqa berip, qaraýsyz qalǵan qarttarǵa, jetimder men kópbalaly otbasylarǵa kóńil bólý – saýapty is.
Qazaqstan musylmandary dinı basqarmasy Qurban shalý rásimin qashyqtan ótkizýge arnalǵan qurban2023.kz saıtyn iske qosty.
«Musylman qaýymynyń qasıetti aıt merekesine oraı, barsha qazaq elin «Qurban-2023» qaıyrymdylyq aktsııasyna úles qosýǵa shaqyramyz. Halyqqa, ásirese úlken qalalarda turatyn jamaǵatqa ońtaıly bolý úshin bıyl qurban shalý oflaın jáne onlaın formatta júzege asady. Aıta ketsek, onlaın túrde qurban shalam deýshiler saıt arqyly qurbandyq malyn tańdap, kórsetilgen rekvızıtke qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Budan keıin tólem barysynda habarlamaǵa tapsyrys nómiri men qurbandyq shalýshynyń aty-jónin jazý mindetti. Qurbandyq shalynǵan soń onyń foto jáne beıne esebi tapsyrys berýshi kórsetken WhatsApp nómirge jiberiledi», - delingen resmı habarlamada.
