Búgin elordadan 24 halyqaralyq reıs oryndalmaq

NUR-SULTAN. QazAqparat – 9 qańtardaǵy jaǵdaı boıynsha syrtqy baǵytta josparlanǵan 38 áýe reısiniń 29-y toqtatyldy, dep habarlaıdy QazAqparat tilshisi.

Bul týraly Azamattyq avıatsııa komıteti málim etti.

«9 qańtarda Nur-Sultan qalasynan Tashkent, Mınsk, Dýbaı, Novosibir, Kıev, Ystanbul, Frankfýrt, Máskeý, Shardja, Phýket qalalarymen eki araǵa qatynaıtyn 24 halyqaralyq reısti oryndaý josparlanǵan jáne Máskeý, Jýkovskıı, Ystanbul qalalary arasyndaǵy 6 reıs toqtatyldy.

Almaty, Aqtaý, Atyraý, Túrkistan, Shymkent, Qostanaı, Qaraǵandy qalalarynan Amsterdam, Ystanbul, Jıdda, Kýtaısı, Tbılısı qalalaryna 14 reıs oryndaý josparlanǵanymen, Máskeý, Ystanbul, Kýveıt, Dýbaı, Sankt-Peterbor, Tashkent, Frankfýrt qalalarymen eki aradaǵy 23 reıs oryndalmady.

QR boıynsha barlyǵy 38 reısti oryndaý josparlanyp, 29 reıs toqtatyldy», - delingen komıtettiń málimetinde.

Sondaı-aq, Azamattyq avıatsııa komıteti 19 qańtarǵa deıin toqtatylǵan reısterdiń bıletin aıyppulsyz qaıtarýǵa bolatyny málim etti.