Búgin dollar qaıta qymbattady

ALMATY. QazAqparat - Qazaqstan qor bırjasyndaǵy (KASE) saýda-sattyq qorytyndysy boıynsha, teńgeniń 1 dollarǵa shaqqandaǵy baǵamy taǵy ósti, dep habarlaıdy QazAqparat tilshisi.

Saýda-sattyq málimetine qaraǵanda, dollar baǵamy 1 naýryz keshimen salystyrǵanda 6,68 teńgege ósken.

AQSh dollarynyń ortasha baǵamy 492, 21 teńge boldy.

Ulttyq banktiń 2 naýryzdaǵy resmı baǵamy -1 dollar úshin 487, 75 teńge.

Kurs.kz málimetinshe, búginde Almatydaǵy aqsha aıyrbastaý pýnktilerinde dollar 491,54 teńgeden satylsa, satyp alý – 496,58 teńge.

Nur-Sultandaǵy aqsha aıyrbastaý pýnktilerinde dollar 492,23 teńgeden satylyp jatyr, satyp alý quny - 495,72 teńge.