Búgin Búkildúnıejúzilik týrızm kúni
ASTANA. 27 qyrkúıek. QazAqparat - Búgin Búkildúnıejúzilik týrızm kúni.
Mereke 1979 jyly Ispanııanyń Torremolınos qalasynda Búkildúnıejúzilik týrıstik uıymnyń Bas assambleıasymen bekitildi. Jyl saıyn 27 qyrkúıek kúni atap ótiledi.
Merkeniń maqsaty - týrızmdi nasıhattaý, onyń álemdik qaýymdastyqtyń ekonomıkasyna qosar úlesin aıtý, ártúrli elder halyqtarynyń arasyndaǵy baılanysty damytý.
Mereke kóptegen elderde atap ótiledi. Bul kúni týrısterdiń sleti, merekelik is-sharalar men festıvaldar uıymdastyrylady.
Búkildúnıejúzilik týrıstik uıym jyl saıyn merekeniń uranyn bekitedi. Máselen, eń alǵashqy - 1980 jyly álem jurtshylyǵy ony «Týrızmniń mádenı murany, beıbitshilik pen ózara túsinistikti saqtaýdaǵy úlesi» uranymen atap ótti.
1981 jyly - Týrızm jáne ómir sapasy, 1982 jyly - Saıahattyń jaqsysy: jaqsy qonaqtar jáne jaqsy ıeler... 2010 jyly - Týrızm baıyta túsedi, 2011 jyly - Týrızm mádenıetterdi biriktiredi dep atalsa, bıyl merekeniń jalpyǵa ortaq urany - Týrızm jáne turaqty energetıka.
