Búgin Almatyda eki ret jer silkindi
ASTANA. QazAqparat - QR Bilim jáne ǵylym mınıstrligi «Seısmologııalyq tájirıbe-ádistemelik ekspedıtsııasy» MM seısmologııalyq stansalar jelileri 2014 jyldyń 13 mamyry kúni Almaty ýaqyty boıynsha 01 saǵat 38 mınýt 35 sekýndta jáne 07 saǵat 18 mınýt 36 sekýndta jer silkinisi bolǵanyn tirkedi.
Alǵashqy zilzala kindigi Almatynyń shyǵysyna qaraı 140 shaqyrym jerde Qazaqstan aýmaǵynda ornalasqan, al ekinshisi Almatydan ońtústik-batysqa qaraı 185 shaqyrym qashyqtyqta Qyrǵyzstan terrıtorııasynda ornalasty.
Almatydan 140 shaqyrym qashyqtyqtaǵy jer silkinisiniń tereńdigi 10 shaqyrym, kúshi 8.4 ball, magnıtýdasy MPV 3.7-ge jetken. Al qaladan 185 shaqyrym qashyqtyqta bolǵan jer silkinisiniń tereńdigi - 20 shaqyrym, kúshi 9.9 ball, magnıtýdasy MPV 4.6.
Jer silkinisiniń sezilgendigi týraly aqparat joq.
