Búgin aqıyq aqyn Muqaǵalı Maqataevtyń týǵan kúni
Ol 1931 jyly 9 aqpanda Almaty oblysynyń Raıymbek aýdanyna qarasty Qarasaz aýlynda dúnıege kelgen. 1948 - 1949 jyldary QazMÝ-diń fılologııa fakýltetiniń stýdenti atanǵan ol otbasy jaǵdaıyna baılanysty aýylyna oralady.
1950 jyly Almatydaǵy Shet tilder ınstıtýtynyń nemis tili fakýltetine oqýǵa túsip, alaıda ony jalǵastyra almaıdy. 1954 jyly Qarasazdyń bastaýysh mektebinde orys tiliniń muǵalimi bolady. 1957 jyly Qazaq radıosynyń dıktory, 1960-1962 jyldary «Sovettik shekara» gazetiniń bólim meńgerýshisi,1963-1965 jyldary «Mádenıet jáne turmys» jýrnalynda taǵy da basqa respýblıkalyq basylymdarda qyzmet atqarady. 1962 jyly Máskeýdegi M. Gorkıı atyndaǵy álem ádebıeti ınstıtýtynda bilim alady.
«Ilıch» (1964), «Armysyńdar dostar» (1966), «Qarlyǵashym keldiń be?», «Mavr» (1970), «Aqqýlar uıyqtaǵanda» (1973), «Shýaǵym meniń» (1975) atty jyr jınaqtary aqynnyń kózi tirisinde jarııalanǵan, dep habarlaıdy "Qazaqstan" ulttyq arnasy.