Bishkekte TMD elderi basshylarynyń sammıti bastalyp jatyr

Búgin Bishkekte «Ala-Arsha» memlekettik rezıdentsııasynda qyrǵyz tarapynyń tóraǵalyǵymen, Qazaqstan Prezıdenti Qasym-Jomart Toqaevtyń qatysýymen TMD memleketteri basshylary keńesiniń kezekti otyrysy ótedi, dep habarlaıdy Kazinform. 

Kezdesý barysynda Dostastyqqa múshe memleketterdiń saýda-ekonomıkalyq jáne mádenı-gýmanıtarlyq salalardaǵy yntymaqtastyǵyn keńeıtý jáne nyǵaıtýǵa baǵyttalǵan mańyzdy sheshimder qabyldanady. 

TMD memleket basshylary sammıtine qatysý úshin Bishkekke Reseı prezıdenti Vladımır Pýtın, Ázerbaıjan prezıdenti Ilham Álıev, Belarýs prezıdenti Aleksandr Lýkashenko, Túrkimenstan prezıdenti Serdar Berdimuhamedov, Tájikstan prezıdenti Emomalı Rahmon, Ózbekstan prezıdenti Shavkat Mırzıeev keldi. Memleket basshysy Qasym-Jomart Toqaev ta sammıtke qatysý úshin búgin Qyrǵyz eline jumys saparymen bardy. 

Qyrǵyz Respýblıkasy prezıdentiniń baspasóz qyzmetiniń habarlaýynsha, Armenııa premer-mınıstri Nıkol Pashınıan sammıtke qatysa almaıdy. Bul týraly 10 qazan kúni Qyrǵyz Respýblıkasynyń prezıdenti Sadyr Japarovpen telefon arqyly sóılesý barysynda belgili boldy.