Bishkekte ekinshi Halyq quryltaıy ótedi
Qyrǵyzstan astanasynda 15-16 jeltoqsan kúnderi Qyrǵyz Respýblıkasynyń prezıdenti Sadyr Japarovtyń qatysýymen Halyq quryltaıy ótedi, dep habarlaıdy Kazinform.
Memleket basshysy S.Japarov «Halyq quryltaıyn ótkizý týraly» Jarlyqqa halyq bıliginiń irgetasyn odan ári nyǵaıtý, ulttyq sanany damytý, aýmaqtyq máselelerdi sheshý, sondaı-aq eldiń turaqty damýy úshin qol qoıdy.
Qyrǵyz Respýblıkasynyń Memlekettik hatshysy Súıinbek Qasmambetovtiń aıtýynsha, Halyq quryltaıy naqty máselelerdi sheshetin jáne jumys júrgizetin alańǵa aınalady.
Halyq quryltaıyna bıyl saılanǵan 700 delegat qatysady. Olardyń qatarynda respýblıkanyń barlyq aımaǵynan 640 adam, etnostardan 30 ókil, sheteldegi eńbek mıgranttarynan 30 delegat bar. Sonymen qatar Jogorký Kenesh depýtattary, Mınıstrler kabınetiniń músheleri, memlekettik organdar men jergilikti ózin-ózi basqarý organdarynyń ókilderi de qatysady.
