Brıýssel bir kúnge kólikten bas tartty

ASTANA. KAZINFORM – Ótken jeksenbide Eýropa astanasynda jyl saıynǵy «Kóliksiz jeksenbi» sharasy ótti, dep habarlaıdy Kazinform menshikti tilshisi. 

Brıýssel turǵyndary men qonaqtaryna qala ishinde kólikpen júrýge tyıym salyndy. Kóptegen velosıpedshiler men jaıaý júrginshiler osy jeksenbini jyldyń eń jaqsy kúni dep sanady, óıtkeni Belgııa astanasy Eýropadaǵy eń úlken kóliksiz aımaqtardyń birine aınaldy.

Qalaǵa tańǵy 9:30-dan keshki 19:00-ge deıin kólikterdiń kirýine tyıym salyndy. Polıtsııa tek qoǵamdyq kólikterge, taksılerge jáne tótenshe jaǵdaılar qyzmetine ruqsat berdi. 

- Búkil aýmaq boıynsha jyldamdyq shegi búkil 30 km/saǵ quraıdy, - dep málimdedi «Brussels Mobility» kompanııasy. 

Bul kúni SNCB ulttyq temirjol kompanııasy aktsııa uıymdastyryp, Belgııa boıynsha bir bıletti 8 eýroǵa (shamamen 5 myń teńge) satty. STIB/MIVB qoǵamdyq kólik operatory kúni boıy tegin júrýdi usyndy jáne ádettegi jeksenbige qaraǵanda úlken jıilikte jumys istedi.

Bıylǵy jyldyń mamyr aıynda «Brıýsseldiń 20 shaqyrymy» sporttyq sharasyna 50 myńnan astam sportsúıer qatysty.