Brıtanııada alǵash ret ıtten koronavırýs anyqtaldy

LONDON. QazAqparat – Brıtanııada alǵash ret ıtten koronavırýs anyqtaldy. Bul rette, Densaýlyq qaýipsizdigi jónindegi agenttiktiń málimdeýinshe, mundaı jaǵdaılar óte sırek bolady jáne ıtter, mysyqtar men ózge de úı janýarlarynyń óz ıelerine vırýs juqtyra alatynyna qatysty dáıekti dálelder joq. QazAqparat bul týraly VVS-ge silteme jasap habarlaıdy.

Mysyqtar men ıtterdiń ıelerine qarapaıym gıgıenalyq talapty ustanyp, qoldy jıi jýý usynylady. Agenttik málimetine sáıkes, koronavırýs esik tutqasynda sııaqty qysqa ýaqytqa janýarlardyń júninde de saqtalýy múmkin.

Brıtanııanyń bas veterınary Krıstın Mıddlmıss VVS-ge aıtýynsha, «koronavırýs juqtyrǵan ıt múldem basqa syrqatpen emdelýge túsken. Qazir jazylyp keledi. Itter koronavırýsqa óte sırek shaldyǵady jáne birneshe kúnde aıaǵyna tik turady».

Densaýlyq qaýipsizdigi jónindegi agenttik adamnyń koronavırýsty úı janýarlarynan juqtyrýyna qatysty naqty qaýipti kórsetetin jańa málimetter paıda bolǵan jaǵdaıda, bul týraly birden habarlaýǵa ýáde etti.

Aıta keteıik, Sıngapýrde zoobaqtaǵy eki arystanda koronavırýs rastalǵan bolatyn.