Brent munaıynyń baǵasy 63 dollardan asty

NUR-SULTAN. QazAqparat - Brent markaly munaıdyń baǵasy 2020 jyldyń qańtarynan beri alǵash ret 63 dollardan asty, dep habarlaıdy QazAqparat.

Londondaǵy ICE bırjasynda 2021 jyldyń sáýir aıynda jetkiziletin Brent markaly munaı fıýchersiniń quny 1,31 paıyzǵa ósip, barreline 63,27 dollarǵa deıin ósti.

Sońǵy márte barreline 63,3 dollardan Brent markaly munaıdyń baǵasy 2020 jyldyń qańtarynda belgilengen edi.

Nur-Sultan ýaqytymen saǵat 05:21-de Brent markaly munaıdyń barreli 63,3 dollardan satyldy.

WTI munaıy fıýchersiniń baǵasy 1,4 paıyzǵa artyp, 60,2 dollardan satyldy.