Brazılııanyń eks-prezıdenti Bolsonarý ustaldy
ASTANA. KAZINFORM — Brazılııanyń burynǵy prezıdenti (2019–2022) Jaır Bolsonarý memlekettik tóńkeriske qatysty is boıynsha 27 jylǵa sottalyp, bul sheshimge apellıatsııa berip, úıqamaqta bolǵan kezinde ustaldy, dep habarlaıdy TASS.
Bul týraly Reuters. agenttigi saıasatkerdiń advokatyna silteme jasap habarlady.
11 qyrkúıekte Bolsonarý 2023 jyldyń qańtarynda Lýla da Sılva bılikke kelýin boldyrmaý maqsatyndaǵy qupııa josparǵa qatysy bar dep tabylǵan. Qazan aıynyń sońynda Bolsonarý advokattary sottyń sheshimine apellıatsııa bergen. Qorǵaýshylar Bolsonarý sot sheshiminde qatelikter bar dep sanaıdy jáne osy sebepten ony 27 jylǵa sottaǵan sheshim durys emes dep esepteıdi.
Reuters agenttigimen tildesken advokat eks-prezıdenttiń ustalý sebepterin naqty ataı almady.
Agenttiktiń málimetine qaraǵanda, bılik Bolsonarýǵa qatysty qabyldaǵan sheshim – onyń úıqamaqta bolǵanyna baılanysty aldyn alý sharasy. Sot protsesine deıin Bolsonarý úıqamaq rejıminde bolǵan. Qorǵaý onyń densaýlyǵyn eskerip, úıqamaqty saqtaý úshin áreket jasaıdy dep kútilip otyr.
11 qyrkúıekte Bolsonarý 2023 jyldyń qańtarynda Lýla da Sılva bılikke kelýin boldyrmaý josparyna qatysy bar dep tanylǵan. Іstiń materıaldaryna sáıkes, Bolsonarý men onyń ortasy, onyń ishinde birneshe áskerı qyzmetshi, Lýla da Sılva bılikke kirispes buryn tóńkeris jasaýǵa áreket jasaýdy josparlaǵan jáne 2022 jylǵy 15 jeltoqsanda áreketke kóshýge daıyndalǵan. Bul kún jańa saılanǵan prezıdentke resmı kýálik berilgennen keıingi úsh kún bolatyn. Uıymdastyrýshylardyń biri Punhal Verde e Amarelo («Sary-jasyl pyshaq») atty jospar quryp, oǵan Lýla da Sılva men Brazılııanyń vıtse-prezıdenti Jeraldý Alkmındi óltirý maqsaty kirgen.
Degenmen Lýla da Sılvanyń ınaýgýratsııasyna deıin tóńkeris áreketi jasalmaǵan. 2023 jyldyń qańtarynda, onyń qyzmetke kirgennen keıin, Brazılııanyń astanasynda Bolsonarý jaqtastary tártipsizdikter jasap, úkimet ǵımarattaryn basyp alýǵa áreket jasaǵan. Bıliktiń baǵalaýynsha, tártipsizdikke shamamen 5 myń adam qatysqan, 1,4 myńnan astam adam ustalǵan.
Osydan buryn Jaır Bolsonarýǵa teriniń qaterli isigi dıagnozy qoıylǵany anyqtaldy.