Brazılııada sý tasqynynan 74 myń otbasy zardap shegýde
ASTANA. 9 mamyr. QazAqparat - Brazılııanyń iri Amazonas shtatynda naýryz aıynan beri tolassyz jaýǵan jaýyn saldarynan ózender arnasynan asyp, sý tasqyny kúsheıdi, dep habarlaıdy «Habar» agenttigi.
Tabıǵı apattan keminde 74 myń otbasy zardap shegýde. Qazirgi ýaqytta sý deńgeıi biraz tómendegenine qaramastan, eldi-mekenderdiń keıbir bólikteri sý astyna ketken. Keıbir turǵyndar ósirgen óniminen aırylǵan. Sondaı-aq, jergilikti aqparat quraldarynyń habarlaýynsha, sanıtarlyq normalardyń nasharlyǵy saldarynan syrqattanǵandardyń sany kúrt ósip ketti. Apat ótinde qalǵan 32 qala basshylyǵy úkimetke júginip, aımaqtyq jáne federaldy deńgeıde kómek surady. Degenmen zardap shekkenderge tıisti kómek kórsetilip, azyq-túlik, aýyz-sý men kerek jaraq zattar jetkizilýde.
