Brazılııa prezıdenti Qazan qalasynda ótetin BRIKS sammıtine qatyspaıtyn boldy

ASTANA. KAZINFORM - Brazılııa prezıdenti Lýıs Inasıý Lýla da Sılva 22-24 qazan kúnderi Qazan qalasynda ótetin BRIKS sammıtine densaýlyq jaǵdaıyna baılanysty qatyspaıtyn boldy, dep habarlaıdy TASS. 

«Prezıdent Lýıs Inasıý Lýla da Sılva dárigerlerdiń uzaq qashyqtyqqa ushýyna ýaqytsha tyıym salýyna baılanysty 22-24 qazan kúnderi Qazan qalasynda ótetin BRIKS sammıtine kele almaıdy», - delingen habarlamada. 

Brazılııa basshysy sammıtke vıdeokonferentsııa formatynda qatysatyny belgili boldy.

Brazılııalyq Metrópoles portalynyń habarlaýynsha, Lýla da Sılva basynyń jelke tusyn áldenege soǵyp alǵan. Prezıdentti birden Brazılıadaǵy Sírio-Libanes aýrýhanasyna jetkizgen. Ol jerde dárigerler jaraqatqa tigis salǵany aıtylady. 

«Densaýlyǵy úshin oǵan alys qashyqtyqqa ushaqpen barmaýy kerektigi jaıly keńes berildi», - delingen medıtsınalyq mekemeniń taratqan málimetinde. 

Aıta keteıik, buǵan deıin Qazaqstan Prezıdenti Qasym-Jomart Toqaevqa elimizdiń BRIKS-ke qosylýyna qatysty usynystar túskeni jaıly jazǵan edik. 

Sondaı-aq, Shrı-Lanka Qazandaǵy sammıtte BRIKS pen BRIKS Jańa damý bankine qosylýǵa resmı ótinim berýdi josparlap otyrǵanyn habarlaǵan edik.