Brakonerler óz jazasyn aldy
QOSTANAI. 9 qarasha. QazAqparat /Petr Plahotnıkov/ - Qostanaı oblysynda eki brakoner sottaldy, úkim kúshine endi.
Oblystyq prokýratýranyń baspasóz qyzmetiniń qyzmetkeri Botagóz Seıil habarlaǵandaı, shilde aıynda Jangeldi aýdanynyń Aqkól aýylynan 31 shaqyrym jerde múıizderi kesilgen óli saıǵaq tabyldy. Jedel-izdestirý sharalary kezinde janýardyń ólimine eki jergilikti turǵynnyń sebepshi bolǵany anyqtaldy.
Sot isti qaraý kezinde brakonerlerdiń kinási tolyqtaı aıqyndalyp, olarǵa 500 AEK kóleminde aıyppul salyndy. Sonymen qatar memleketke kelgen shyǵyndy, ıaǵnı 282 600 teńgeni tóledi.
