Bir top aqtóbelik áskerı boryshyn óteýge attandy
AQTÓBE. KAZINFORM — Barlyǵy 23 jas jigit irikteldi. Olar QR UQK Shekara qyzmetiniń áskerı bólimshesinde qyzmet etedi.
Aqtóbe oblystyq qorǵanys isteri departamenti áskerge shaqyrylýshylardyń alǵashqy legin attandyrdy. Іrikteýden ótken 23 jas sarbaz Almaty oblysy Qarasaı aýdanynda ornalasqan QR UQK Shekara qyzmetiniń áskerı bólimshesine barady. Jas sarbazdardy ata-analary men baýyrlary, dostary shyǵaryp saldy.
— Áskerdegi qyzmet — azamattyń ómirindegi mańyzdy mektep. Ol jas sarbazdardyń minezin shyńdap, jaýapkershilik pen joldastyq sezimin qalyptastyrady. Bári óz mindetin abyroımen atqaryp, eldiń qorǵaýshysy bolatynyna senemiz, — dedi Aqtóbe oblystyq qorǵanys isteri departamentiniń bastyǵy Ardaq Qumarov.
Onyń aıtýynsha, áskerı boryshyn ótegen kezde kóp ball jınaǵan sarbazǵa arnaıy sertıfıkat beriledi. Bul týraly málimetti «Sarbaz 2.0» aqparattyq júıesinen birýge bolady. Sertıfıkat UBT tapsyrmaı-aq joǵary oqý oryndaryna túsýge múmkindik beredi. Shyǵaryp salý rásiminde nesıe tóleý merzimin keıinge shegerýge bolatyny týraly da aıtyldy.
Aıta keteıik, kóktemde Aqtóbede myńnan astam azamat áskerge shaqyrylady. Shaqyrý naýqany maýsym aıynyń sońyna deıin jalǵasady.
