«BOTA» qory 189 bilim grantyn bóldi
Aıta keteıik, jospar boıynsha qarastyrylǵan 125 granttyń ornyna 189 grant bólindi. Osylaısha búgingi kúni «BOTA» qory 841 bilim grantyn bólip otyr. Shákirtaqyǵa ıe bolǵandardyń 25-i túlek atanyp úlgerdi.
Bıylǵy bilim granttaryna joǵary oqý ornynyń 135 stýdenti jáne tehnıkalyq jáne kásibı bilim ordalarynyń (kolledjderdiń) 54 stýdenti ıe boldy. Barlyq granttardyń ıegerleri - az qamtylǵan qoǵam bóliginen, olardyń 15-i jetim, 4-ýi múmkindigi shekteýli bolsa, 104 adam aýyldan kelgen jastar.
Aqpan aıynda bastalǵan baıqaýdyń nátıjesi osyndaı boldy. Bıyl baıqaýǵa Qazaqstannyń barlyq óńirlerinen 2239 saýalnama keldi. Bilim granttaryna eldiń barlyq oblystarynan ótinish bergen jastar ıe boldy. Aıta ketken jón, atalmysh qordyń bilim granttaryna ıe bolǵan stýdentterdiń sany boıynsha Jambyl, Ońtústik Qazaqstan, Almaty, Aqtóbe, Qaraǵandy, Qyzylorda jáne Batys Qazaqstan oblystary kósh bastap keledi.
