Boryshker tizimine kimder jáne qandaı jaǵdaıda engiziledi
ASTANA. KAZINFORM — Memlekettik kirister komıtetiniń resmı saıtynda iri kólemde salyq bereshegi bar kompanııalar men zańdy tulǵalardyń tizimi jarııalanady. Tolyǵyraq Qarjy mınıstrligi Memlekettik kirister komıtetiniń aýdıt departamenti bereshekpen jumys basqarmasynyń basshysy Qaısar Aryn aıtyp berdi.
— Ol tizimge 150 aılyq eseptik kórsetkishten asatyn bereshegi bar zańdy tulǵalar kiredi. Sonymen qatar, bereshegin 4 aıdan astam ótemegen kompanııalar engiziledi. Odan bólek 10 aılyq eseptik kórsetkishten astam bereshegi bar jeke kásipkerler de atalǵan tizimge qosylady, — dep túsindirdi Qaısar Aryn vedomstvoda onlaın ótken is-sharada.
Kirister komıteti ókiliniń aıtýynsha, boryshkerlerdiń múlkin satý týraly aqparat ashyq aýktsıon ótkizý kezinde jarııalanady.
Buǵan deıin habarlaǵanymyzdaı, byltyr boryshkerlerdiń múlkin satýdan bıýdjetke 1,5 mlrd teńge túsken.