Black Sabbath tobynyń ánshisi Ozzı Osborn qaıtys boldy

ASTANA. KAZINFORM – Black Sabbath tobynyń solısti jáne vokalıst Ozzı Osborn 76 jasynda qaıtys boldy, dep habarlaıdy Kazinform VVS-ge silteme jasap.

– Tańerteń Ozzı Osborn qaıtys boldy. Bul jaısyz habardy estirtý bizge ońaıǵa soqpady. Ol ómiriniń sońyna deıin otbasymen birge boldy jáne januıa mahabbatyna bólendi, - delingen habarlamada. 

Bastapqyda Bırmıngemnen (Anglııa) kelgen Ozzı Osborn jáne onyń Black Sabbath toby 1970 jyldardyń basynda aýyr metall stıliniń negizin qalaýshylardyń biri retinde tanymal boldy jáne rok-mýzyka tarıhyndaǵy qubylystardyń biri sanaldy. 

1979 jyly maskúnemdik pen esirtki úshin Black Sabbath tobynan shyǵarylǵan Ozzı 100 mıllıonnan astam albom satty jáne onyń esimi Amerıkanyń Rok-n-roll Dańq Zalyna endi. 

Eki apta buryn Ozzı men Blek Sabbat týǵan qalasy Bırmıngemdegi Vılla saıabaǵyndaǵy stadıonda kontsert ótkizdi. 

Derekkózderge súıensek, Ozzı Parkınson aýrýynan zardap shekken. 

Eske sala keteıik, buǵan deıin Ulybrıtanııa hanzadasy Ýılıam men Garrıdiń 20 jastaǵy týys qaryndasy Rozı Rosh óli kúıinde tabylǵanyn habarlaǵan edik.