BQO-da zańsyz ań aýlaǵan turǵynǵa qatysty qylmystyq is qozǵaldy

ORAL. KAZINFORM – Batys Qazaqstan oblysynda brakonerlikke qatysty áleýmettik jelide beınejazba jarııalandy. 

Bórli aýdanynyń turǵyny Batyr Seıkenovtiń Instagram áleýmettik jelisindegi málimetine súıensek, oqıǵa Aleksandrov aýylynyń mańynda bolǵan. 

Onyń sózine qaraǵanda, atalǵan jerde eliktiń terisi, aıaqtary, gılzalar, oq-dáriniń bos qoraptary, qarshana men aýyr tehnıkanyń izderi qalǵan.

– Qoqystyń arasynan dúkennen satyp alǵan chekterge deıin tabyldy. Sondyqtan dúkendegi beınejazbalardy qarasa, brakonerlerdi tabý qıynǵa soqpaıdy, - dedi B.Seıkenov. 

BQO polıtsııa departamentiniń baspasóz qyzmetinen málim etkenindeı, jedel izdestirý is-sharalary barysynda Aqsaı qalasynyń 1985 jylǵy turǵyny anyqtalyp, ustaldy.

– Kúdiktiniń mekenjaıyn tintý barysynda tirkelgen eki atys qarýy, qońyr tústi zat izderi bar kıim men aıaqkıim tárkilendi. Atalǵan derekke sáıkes zańsyz ań aýlaý belgileri boıynsha qylmystyq is qozǵaldy. Qazirgi kezde sotqa deıingi tergeý amaldary júrgizilip jatyr, - dep habarlady vedomstvodan.

Posmotret etý pýblıkatsııý v Instagram

Pýblıkatsııa ot Batyr Seikenov (@batyrseikenov)

Eske sala keteıik, budan buryn Oralda jalǵan nómirmen júrgen júrgizýshiniń 1,1 mln astam teńge aıyppul tólemegenin jazǵan edik.