BQO-da ushqyshsyz ushatyn apparattyń bólshekteri tabyldy

ORAL. KAZINFORM — Batys Qazaqstan oblysynda Reseımen shektesetin Jánibek aýdanynda ushqyshsyz ushatyn qurylǵynyń synyqtary tabylǵany jóninde derek tirkeldi.

Полиция Казахстана переведена на усиление
Фото: polisia.kz

Jánibek aýdany ákimdiginen málim etkenindeı, oqıǵa 24 naýryz kúni Uzynkól aýyldyq okrýgi aýmaǵynda boldy. 

Aýyl turǵyny eldi mekennen shamamen 8 shaqyrym qashyqtyqta belgisiz ushqyshsyz ushatyn qurylǵy bólshekteriniń tabylǵany jóninde habarlaǵan.

- Atalǵan oqıǵa boıynsha tergeý toby baryp, qaraý kezinde ushqyshsyz ushatyn qurylǵynyń bólshekteri tabyldy. Qazirgi ýaqytta oqıǵa orny qorshaýǵa alynyp, tergeý amaldary júrgizilýde, - dep habarlady vedomstvodan.

BQO polıtsııa departamentiniń baspasóz qyzmeti ýákiletti qyzmettermen birlesip, tekserý jumystarynyń júrgizilip jatqanyn jetkizdi. Nysan eldi mekennen alys jerden tabylǵan.

Oqıǵanyń barlyq mán-jaıy anyqtalý ústinde.

Bul – Batys Qazaqstan oblysynda bolǵan úshinshi oqıǵa. Budan buryn 18 aqpanda Bókeı ordasy aýdany Uıaly aýyly mańynda ushqyshsyz ushatyn apparatqa uqsas qurylǵy qulaǵan edi. Osyndaı jaǵdaı 18 naýryzda Tasqala aýdanynda qaıtalandy.

Eske sala keteıik, budan buryn Batys Qazaqstanǵa ushqyshsyz ushatyn apparat qulaǵanyn jazǵan bolatynbyz.

Сейчас читают