BQO-da tasqynnan zardap shekken turǵyndarǵa qosymsha 38 úı berildi
Batys Qazaqstan oblysy Syrym aýdanynda sý tasqynynan zardap shekken turǵyndarǵa qosymsha 38 turǵyn úı salyndy.
Alǵashqy turǵyn úılerdiń kiltteri 1 apta buryn tabystalǵan bolatyn.
Endi Jympıty, Óleńti jáne Buldyrty aýyldarynda qalǵan úılerdiń kiltteri aýyl turǵyndaryna berildi.
«Búgin jańa qonysqa kirip jatyrmyz. Prezıdentimizge, úı salǵan barsha azamattarǵa alǵysymdy bildiremin. Endi mundaı jaǵdaı bolmasyn elimizde. Aýylymyz kórkeıe bersin»- dedi jańa qonys ıesi Aıdarhanova Jańyl.
Aıta keteıik, Batys Qazaqstan oblysynda sý tasqynynan zardap shekken turǵyndarǵa 889 úı salyndy. Onyń 451-i Oral qalasynda. Sondaı-aq, Oraldaǵy Saıajaı turǵyndaryna demeýshiler qarjysyna 2 myńnan astam úı satyp alyndy.
Jalpy, memleket basshysynyń tapsyrmasymen sý tasqynynan zardap shekken óńirlerdegi turǵyn úılerdi qaıta qalpyna keltirý sharalary aıasynda 2 680 úı salyndy, 5 767 baspana satyp alyndy, 9 156 úıge jóndeý jumystary júrgizildi.
