BQO-da taǵy bir er adamnyń denesi tabyldy

ORAL. KAZINFORM - Batys Qazaqstan oblysynda boran kezinde barlyǵy tórt adamnyń kóz jumǵany belgili boldy.

Jánibek aýdany ákimdiginen túsken málimetke qaraǵanda, Kúıgenkól aýyldyq okrýginde búgin saǵat 15.57-de Jasqaırat aýylynan 10 shaqyrym jerde 59 jastaǵy er adamnyń múrdesi tabyldy.

Ol 13 jeltoqsan kúni 57 jastaǵy er adammen birge Buqar qystaǵynan mal baǵýǵa ketkennen oralmaǵan.

BQO polıtsııa departamenti baspasóz qyzmetiniń naqtylaýynsha, buǵan deıin úsh adamnyń múrdesi tabylǵan edi. Olar ár túrli jaǵdaımen osyndaı jaǵdaıǵa ushyraǵan. Biri mal izdeýge shyqsa, biri adasyp ketken.

Eske sala keteıik, budan buryn BQO-da boranda joǵalyp ketken úsh adamnyń denesi tabylǵanyn jazǵan bolatynbyz.