BQO-da prokýratýra qyzmetkeri ózine-ózi qol jumsady
ORAL. KAZINFORM — Batys Qazaqstan oblysy Terekti aýdanynda qaıǵyly oqıǵa boldy.
BQO prokýratýrasynyń baspasóz qyzmetinen málim etkenindeı, oqıǵa 8 mamyr kúni Terekti aýylynda bolǵan.
— Terekti aýdany prokýratýrasynyń qyzmetkeri qyzmettik úıiniń aýlasynda óz ómirin qıǵan. Atalǵan derek sotqa deıingi tergeýdiń biryńǵaı tiziliminde tirkeldi. Mán-jaıdy anyqtaý úshin BQO polıtsııa departamenti tergeý amaldaryn júrgizip jatyr. Oblys prokýratýrasy marqumnyń otbasyna qaıǵyǵa ortaqtasyp kóńil aıtady. Qylmystyq is júrgizý kodeksiniń 201-babyna sáıkes basqa aqparat jarııalaýǵa jatpaıdy, — dep habarlady prokýratýradan.
Eske sala keteıik, budan buryn Oralda órtengen garaj ornynan er adamnyń múrdesi tabylǵanyn jazǵan bolatynbyz.
