BQO-da ınternet arqyly esirtki taratýmen aınalysqan turǵyn ustaldy
BQO polıtsııa departamentiniń bastyǵy, polıtsııa general-maıory Maqsuthan Ablazımovtyń málim etkenindeı, Aqsaı qalasynyń 2003 jylǵy turǵynynan 11 qorap (paketık) aq tústi untaq tabylǵan.
Saraptama qorytyndysyna sáıkes tárkilengen zat psıhotroptyq preparat bolyp shyqty.
Polıtsııa qyzmetkerleri anyqtaǵanyndaı, atalǵan turǵyn Telegram áleýmettik jelisi arqyly sıntetıkalyq esirtki taratýmen aınalysqan.
Departament bastyǵynyń sózine qaraǵanda, qazirgi kezde QR QK 296-baby 3-bóligine (esirtki jáne psıhotroptyq zattarmen zańsyz aınalysý) sáıkes sotqa deıingi tergeý amaldary júrgizilýde. Bul asa aýyr qylmystar sanatyna jatady.
Sondaı-aq ótken aptada 24 aýyr qylmystyń 18-i nemese 75 paıyzy ashyldy. 6 qylmys boıynsha jedel tergeý amaldary júrgizilip jatyr.
Eske sala keteıik, budan buryn Oralda júk poıyzy er adamdy qaǵyp ketkenin jazǵan bolatynbyz.
