BQO-da Derkóldegi sý deńgeıi Tasqala tusynda qaýipti shekke jaqyndady

ORAL. KAZINFORM – Batys Qazaqstan oblysynda barlyq ózenderde sý deńgeıi kóterilip jatyr.

«Qazgıdromet» RMK BQO fılıalynyń búgingi málimeti boıynsha Derkól ózeni Tasqala aýdany ortalyǵy Tasqala aýyly tusynda bir táýlikte 117 sm joǵarylap, 516 santımetrge jetken.

Osylaısha, sý deńgeıi qaýipti shekke (520 sm) jaqyndap tur.

Derkól sondaı-aq Báıterek aýdany Zelenyı eldi mekeninde 304 sm (+54 sm, qaýipti shegi – 450 sm), Beleste 431 santımetrge (+130 sm, 600-650 sm) jetken.

Tasqala aýdanynda 2 Shejin ózeni 801 santımetrdi (+86 sm) kórsetip, qaýipti deńgeıden (780 sm) asyp ketti. Al 1 Shejin ózeni odan báseń – 462 sm (+16, qaýipti shegi – 646 sm).

Jaıyq ózeni Bórli aýdany Jarsýat aýylyndaǵy gıdrobekette 258 sm (+3), Báıterek aýdany ıAnvartsev tusynda 261 sm (+16, qaýipti shegi – 1 myń sm), Oral qalasynda 189 sm (+14, 850 sm) boldy.

Oblystyń ońtústik aýdandary aýmaǵymen aǵatyn Qaraózen men Saryózen de kóterilý ústinde. Qaraózen Kaztalov aýdany Qaıyńdy aýylynda 505 sm (+28, 1 700 sm), Jalpaqtalda 618 sm (+10 sm, 790-820 sm), Saryózen Qoshankólde 420 santımetrge (+30, 1 200-1 300 sm) jetti.

Eske sala keteıik, budan buryn BQO-da Derkól ózenindegi sý deńgeıi bir táýlikte 130 santımetrge kóterilgenin jazǵan bolatynbyz.

Sondaı-aq Oralda erigen qar sýyna baılanysty turǵyndardan ótinish kóbeıe túsken.

BQO-da joldyń ústin sý basyp, kólik qozǵalysyna shekteý qoıyldy.