BQO-da 334 myń tonna astyq jınaldy
ORAL. 20 qyrkúıek. QazAqparat /Eljan Eraly/ - Batys Qazaqstan oblysynda bıyl 370 myń gektardyń egini orylýǵa tıis bolsa, sonyń 322 myń gektarynan 334 myń tonna astyq jınaldy.
Oblystyq aýyl sharýashylyǵy basqarmasy egin sharýashylyǵy bóliminiń bastyǵy Denıs Omashevtiń aıtýynsha, 19 qyrkúıek kúngi derek boıynsha eginniń 84 paıyzy orylsa, ár gektardan 10,4 tsentnerden ónim alynýda. Bórli, Jánibek, Qaztalov aýdandary naýqandy aıaqtasa, Shyńǵyrlaý, Syrym, Tasqala, Oral qalasy tóńiregindegi sharýashylyqtar márege jaqyndap qaldy. Oblystaǵy eń astyqty óńir Zelenovta eginniń 76, Terektide 79 paıyzy orylǵan. Ónimdilik jóninen de Zelenov aýdany alda, munda 12,3 tsentnerden kelýde. Egin oraǵyn bitirýge qyrkúıek aıynda jıi jaýǵan jańbyr kedergi keltirip otyr (jer keppeı, kombaınnyń alqapqa shyǵa almaıtyny taǵy belgili).
