BQO-da 10 adam ákimshilik qamaýǵa alyndy

ORAL. QazAqparat – Batys Qazaqstan oblysynda quqyq tártibin buzǵan 575 adam polıtsııaǵa jetkizildi, dep habarlaıdy QazAqparat.

BQO Polıtsııa departamentiniń baspasóz qyzmetinen málim etkendeı, olardyń kópshiligimen áńgimelesý júrgizildi. Sonyń ishinde 37-si mán-jaı anyqtalǵanǵa deıin ustaldy.

10 quqyq buzýshy ákimshilik jaýapkershilikke tartylyp, 20 táýlikke qamaldy. Olardyń 6-ýyna zańsyz mıtıngige shaqyrǵany, 1-ýine tótenshe jaǵdaı rejımi talabyn buzǵany úshin jaza belgilendi.

«Sońǵy táýlikte blokpostarda 7 ańshy myltyǵy tárkilendi. Sondaı-aq mas kúıde bolǵan 5 júrgizýshi ustaldy.

Budan buryn Almatydaǵy tártipsizdikter kezinde tonaýǵa qatysqan Oral qalasynyń turǵyndary otyrǵan «Toıota» avtokóligi toqtatylǵan bolatyn. Qazirgi kezde QR Qylmystyq kodeksiniń 191-baby 3-bóligi 3-tarmaǵy boıynsha qylmystyq is qozǵaldy. Qylmystyq is odan ári tergeý júrgizý úshin Almaty qalasy Polıtsııa departamentine berildi. Osy kólikte bolǵan S. degen kúdikti Oral qalasy Polıtsııa basqarmasy ýaqytsha ustaý ızolıatoryna qamaldy. K. degen kúdiktiden eshqaıda ketpeý jóninde qolǵat alyndy. Qazirgi jaǵdaıda oblysta jalpy ahýal turaqty», - dep habarlady vedomstvodan.

Eske sala keteıik, budan buryn Batys Qazaqstan oblysynda avtokólikten granata tabylǵanyn jazǵan bolatynbyz.