BQO ákimi Eskendir Hasanǵalıevti qabyldady
ORAL. 15 tamyz. QazAqparat - 15 tamyz kúni oblys ákimi Nurlan Noǵaev Qazaqstan Respýblıkasynyń halyq artısi, Memlekettik syılyqtyń ıegeri, ánshi-kompozıtor Eskendir Hasanǵalıevti qabyldady.
Bul kúnderi Oralda E.Hasanǵalıev ánderin oryndaýshylardyń «Atameken» halyqaralyq dástúrli án festıvali ótýde. Osyǵan oraı týǵan jerine kelgen Eskendir Hasanǵalıev: «Bıyl altynshy ret ótetin «Atameken» halyqaralyq án festıvaline Reseıdiń kórshiles Astrahan, Saratov, Orynbor oblysynan da saıyskerler kelgen. Otyzǵa jýyq úmitker qatysady. Atalǵan baıqaýǵa qatysýshylardyń jyldan-jylǵa kóbeıýi kóńilge qýanysh uıalatady. Festıvalden soń ulym Birjan ekeýmizdiń «Aq Jaıyq elim» atty shyǵarmashylyq keshimiz ótedi»,- dedi.
