Bıyl maqta egiletin alqaptar azaıady – AShM
«Sýdy az qajet etetin jáne monodaqyldardyń alańdaryn ártaraptandyrý boıynsha josparly jumys jalǵasyp jatyr. Máselen, bıyl ózge de joǵary rentabeldi daqyldarǵa kóshý esebinen maqta alańyn 14,8 myń gektarǵa azaıtý josparlanyp otyr. Sonymen qatar kúrish daqyldary boıynsha kúrt tómendeý áli baıqalǵan joq. Negizgi sebep – bul daqyldyń áleýmettik mańyzdylyǵy, sondaı-aq Qyzylorda oblysy aýmaǵynda topyraqtyń tuzdanýy. Tuz basqan alqaptarda basqa tıimdiligi joǵary daqyldardy egý qıyn bolyp tur. Bul turǵyda tıisti tehnologııany paıdalaný kerek», - dedi E. Qarashókeev.
Budan bólek ol sý únemdeý tehnologııalaryn engizý jumystaryna toqtaldy.
«Birinshiden, ınvestıtsııalyq sýbsıdııalaý aıasynda fermerlerdiń sý únemdeý tehnologııalaryn satyp alýǵa, sondaı-aq sý alý jáne berý jónindegi negizgi ınfraqurylymdy júrgizýge jumsaǵan shyǵyndarynyń 50% óteledi. 2020-2022 jyldary 1232 joba iske asyrylyp, 29,4 mlrd teńge qarjy bólindi. Osy maqsattar úshin óńirlerdiń ótinimderi boıynsha 2023 jyly 18,4 mlrd teńge qarastyrylǵan», - dedi mınıstr.
Budan buryn habarlanǵandaı, bıyl 1,5 mln gektar sýarmaly jer ıgeriledi.
