Bıyl BQO-da 1750 páter salynady - A.Kólginov

ORAL. QazAqparat - Aǵymdaǵy jyly Batys Qazaqstan oblysynda 1750 páter salynady. Bul týraly búgin «Memleket basshysynyń 5 ınstıtýttyq reformasyn júzege asyrý boıynsha 100 naqty qadam» Ult josparyn júzege asyrý máselelerine arnalǵan brıfıng barysynda atalǵan óńirdiń basshysy Altaı Kólginov málim etti.

«Daǵdarysqa qarsy sharalar aıasynda 2016 jyly turǵyn úı qurylysy men qajetti ınjenerlik ınfraqurylymǵa 12 mlrd. teńge bólindi. 2016 jyly barlyq qarjylandyrý kózderi arqyly jalpy aýmaǵy 130 myń sharshy metrdi nemese 1750 páterdi quraıtyn 15 kóppáterli úı men ınjenerlik-kommýnıkatsııalyq ınfraqurylymnyń 22 nysanyn salý josparlanǵan», - dedi oblys ákimi.

A.Kólginovtiń atap ótýinshe, atalǵan páterlerdiń 675-si Turǵynúıqurylysjınaqbanki salymshylaryna, 180-i jas otbasylarǵa, 671-i Qazaqstannyń ıpotekalyq kompanııasy jelisi arqyly kezekte turǵandarǵa tabys etiledi. Al 225 páter memlekettik jeke-seriktestik arqyly apatty úılerdiń turǵyndaryna beriledi.