Bıyl Arysta 108 otbasy baspanaly bolady

ARYS. QazAqparat - Arys qalasynda bıyl qurylysy júrip jatqan 36 páterli 3 kópqabatty turǵyn úı kezekte tirkelip turǵan azamattarǵa beriletin bolady, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.

Turǵyn úıdi bólý QR «Turǵyn úı qatynastary týraly» Zańǵa sáıkes, kópbalaly otbasylar men ata-anasynyń qamqorlyǵynsyz qalǵan balalarǵa, memlekettik jáne bıýdjettik uıymdardyń qyzmetkerleri men áskerı qyzmetshilerge kezek retimen beriledi.

Jalpy bıylǵy jyly 108 páterdiń kilti tabystalady.
Aıta keterligi, Arys qalasynda kelesi jyly 240 páterdi paıdalanýǵa berý josparlanyp otyr. Turǵyn úı kezegine elektrondy úkimet veb portaly arqyly ótinim beriledi. Ótinim berý kezinde sybaılas jemqorlyqtyń táýekelderine barynsha jol bermeý boıynsha sharalar qabyldanǵan. Kezekte turǵan azamattardyń tizimine jyl saıyn túgendeý jumystary júrgizilip, turǵyn úı boıynsha tarıhı derektemelerimen sáıkestendirilgen.

Arys qalasynda qazirgi tańda jalpy sany 1699 azamat turǵyn úı kezeginde tirkelip tur. Onyń ishinde: kópbalaly otbasy sany – 418, ata-analarynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar – 157, halyqtyń áleýmettik jaǵynan osal tobyna jatatyndar – 743, memlekettik jáne bıýdjettik uıymdardyń qyzmetkerleri, áskerı qyzmetshiler jáne saılanbaly qyzmet atqaratyn adamdar- 381.