Bıtkoın baǵasy alǵash ret $111 myńnan asty

ASTANA. KAZINFORM – Beısenbi kúngi saýda barysynda bıtkoın tarıhı maksımýmdy jańartyp, alǵash ret $111 myń mejesinen asty. Bul AQSh dollarynyń álsireýi aıasynda boldy, dep habarlaıdy Report.

Treıderler krıptovalıýta bolashaǵyna burynǵydan da optımıstik kózqaraspen qarap otyr. Buǵan ınstıtýtsıonaldyq suranystyń artýy sebep bolǵan. 

Qazirgi ýaqytta bıtkoın $110,54 myń shamasynda saýdalanyp jatyr. Bul aldyńǵy sessııanyń jabylýynan 1,7%-ǵa joǵary. Buǵan deıin onyń baǵasy $111 878 deńgeıine jetip, rekord ornatqan bolatyn.

AQSh Kongresiniń Senaty kópshilik daýyspen jańartylǵan nusqadaǵy GENIUS Act zań jobasyn qoldady. Qujat steıblkoındar – dástúrli valıýtalarǵa baılanǵan krıptoaktıvterdi federaldyq deńgeıde retteýdi qarastyrady. Endi bul zań jobasy ári qaraı talqylaýǵa jiberiledi. Qujat osy aptada qabyldanýy múmkin dep boljanyp otyr.

Sarapshylardyń pikirinshe, bul zań tsıfrlyq aktıvtermen aınalysatyn kompanııalar úshin retteý salasynda aıqyndyq qalyptastyrady.

Buǵan deıin bıtkoın 105 myń dollarǵa kóterilgenin jazǵan edik.