Bir jylda balyq baǵasy 15% qymbattaǵan
Resýrstyń jazýynsha, bir jyldyń ishinde eldegi balyq baǵasy 15% qymbattaǵan.
«Qańtar-tamyz aralyǵynda elde 30,9 myń tonna balyq óndirildi. Bul byltyrǵydan 15,5% kóp. «Habar 24» arnasynyń málimeti boıynsha, . Qyzylorda oblysynda 15 myń tonnaǵa jýyq ónim shyǵaratyn 10 balyq zaýyty bar. 2022 jyldyń 8 aıynda elde basqa tásilmen daıyndalǵan nemese konservilengen balyqtyń, ýyldyryqtyń jáne onyń almastyrǵyshtarynyń tek 6,6 myń tonnasy óndirildi. Bul byltyrǵyǵa qaraǵanda birden 29,7% az. Osy segmenttegi ónimniń úshten birinen astamy Túrkistan oblysyna tıesili boldy: 2,4 myń tonna(+43,9%). Odan keıingi oryndarda Batys Qazaqstan (1,8 myń tonna) men Shyǵys Qazaqstan (561 tonna) oblystary tur. Qańtar-shilde aılarynyń qorytyndysy boıynsha jergilikti kompanııalar óńdelgen jáne konservilengen balyqtarǵa, shaıan tárizdiler men mollıýskalarǵa degen suranysty 53,1% qamtamasyz etken. Elge 28,7 myń tonna ónim ımporttaldy. Bul byltyrǵymen salystyrǵanda 1,8% kóp», - dep jazady Energyprom.
Resýrstyń málimetine qaraǵanda, qolda bar balyq ónimderiniń 20,4% eksporttqa ketken, ol – 12,4 myń tonna. Bul byltyrdan 9,3% artyq.
«Іshki naryqta 48,7 myń tonna balyq satyldy. Bul turǵyda bir jyldyq kórsetkish ózgergen joq. Qyrkúıek aıynyń qorytyndysy boıynsha, jas balyqtyń baǵasy 15%, muzdatylǵan balyq 15,1%, arshylǵan muzdatylǵan asshaıan 26,4% qymbattady. Óńirler arasynda balyq baǵasy Pavlodar (44,7%), Qostanaı (24,7%) jáne Mańǵystaý (24%) oblystarynda tirkelgen. Muzdatylǵan balyq baǵasy Mańǵystaý (43,4%), Jetisý (35,2%) jáne Atyraý (29,6%) oblystarynda aıtarlyqtaı ósti. Tazartylǵan muzdatylǵan asshaıan baǵasy Mańǵystaý (2,5 ese), Aqtóbe (49,4%) jáne Aqmola (36,4%) oblystarynda qymbattady», - delingen saraptamada.
