Bıylǵy tasqyndar 120 myń adamnyń ómirine áser etken
ASTANA. KAZINFORM – Premer-mınıstrdiń orynbasary Qanat Bozymbaev Úkimet otyrysynda kóktemdegi tasqynnyń negizgi saldaryn atady.
«Bıylǵy sý tasqyny 120 myńnan astam adamnyń ómirine áser etti. Memleket tarapynan olarǵa barlyq qajetti kómek kórsetildi – baspanasyz qalǵandar úshin evakýatsııalyq pýnktter uıymdastyryldy, 34 myńnan astam adam 12,6 mlrd teńgege 100 aılyq eseptik kórsetkish kóleminde birjolǵy tólem aldy. Budan basqa, shamamen 10 mlrd teńge kóleminde 150 aılyq eseptik kórsetkish esebinde 21 880 otbasyna keltirilgen materıaldyq zalal óteldi», - dedi vıtse-premer.
Sondaı-aq, ol tasqynnan zardap shekken bıznes ókilderine de kómek kórsetilgenin eske saldy.
«Shaǵyn jáne orta bıznes sýbektilerine sý tasqyny saldarynan kelgen múliktik shyǵyndardy óteý retinde 615 maquldanǵan ótinim 10,2 mlrd teńgeden astam qarajat tólendi. Aıta ketý kerek, shaǵyn jáne orta bıznestiń shyǵyndaryn óteý qaǵıdalarynyń qoldanylý merzimi 2025 jyldyń sáýirine deıin uzartylady», - dedi Qanat Bozymbaev.
