Bıyl qandaı joldardyń qurylysy bastalady

ASTANA. KAZINFORM —  Memleket basshysynyń tapsyrmasyna sáıkes bıylǵy qurylys maýsymy aıasynda 13 myń shaqyrym jol qamtylady.

Kólik mınıstrliginiń málimetinshe «Qaraǵandy — Jezqazǵan», «Aqtóbe — Ulǵaısyn», «Atyraý-Dossor», Saryaǵash, Petropavl, Qyzylorda jáne Rýdnyı qalalarynyń aınalma joldarynyń qurylysy júzege asady.

Qurylysy osy kezge deıin bastalǵan jalpy uzyndyǵy 2 myń shaqyrymnan asatyn «Qalbataý — Maıqapshaǵaı», «Kúrti — Qonaev», «Qyzylorda– Jezqazǵan» jáne «Uzynaǵash — Otar» joldarynyń rekonstrýktsııasy jalǵasady.

El turǵyndary jıi qoldanatyn oblysaralyq jáne aýdanaralyq joldardy ortasha jóndeý baǵdarlamasynyń mańyzy zor. 7 myń shaqyrym jol ortasha jóndeý jumystarymen qamtyldy. Olardyń qatarynda «Jezqazǵan — Petropavl», «Muqyr — Qulsary», «Qandyaǵash — Embi -Yrǵyz», «Qostanaı — Qarabutaq», «Óskemen — Shemonaıha», «Óskemen-Rahman kiltteri», «Oral –Atyraý» joldary bar. Bul jumys birneshe jyl qatarynan jóndeý kórmegen joldardyń jaı-kúıin edáýir jaqsartýǵa múmkindik beredi.

Qosymsha jergilikti mańyzdaǵy 4 myń shaqyrymǵa jýyq jol jóndeý jumystarymen qamtylady. 

Aıta ketelik SQO-da bıyl 1,2 myń km jol jóndeýden ótedi.