Bıyl samokattan qansha adam japa shekti
ASTANA. KAZINFORM — Elimizde bıyl samokattarǵa qatysty oqys oqıǵalardan qansha adam japa shekkeni belgili boldy.
— Jyl basynan beri elektrsamokattarǵa qatysty 443 jol-kólik oqıǵasy tirkelgen. Onyń ishinde 3 adam qaza taýyp, 456 adam jaraqat alǵan. Jol-kólik oqıǵalasynyń basym bóligi Almaty qalasynda bolǵan, — delingen QR ІІM baspasóz qyzmetiniń Kazinform agenttiginiń resmı saýalyna bergen jaýabynda.
Sondaı-aq el boıynsha ákimshilik jaýapqa tartylǵan azamattardyń da sany da az emes.
— 37 621 elektr samokat júrgizýshisi jol júrisi qaǵıdalaryn buzǵany úshin ákimshilik jaýapkershilikke tartylǵan. Kámeletke tolmaǵandar tarapynan jasalǵan quqyqbuzýshylyqtar boıynsha 297 ata-ana jaýapqa tartylǵan. Elektrsamokattardy trotýarlar men jaıaý júrginshiler joldaryna retsiz qaldyrǵany úshin 18 myńǵa jýyq samokat arnaıy turaqqa jetkizilgen, — delingen habarlamada.
Aıta keteıik, 18 jeltoqsanda Senat «Quqyq buzýshylyq profılaktıkasy týraly» Zańdy jáne oǵan ilespe 2 qujatty eki oqylymda qarap, maquldady. Atalǵan ilespe qujattardyń biri osy samokat taqyrybyna qatysty.
