Bıyl oqý jyly 2 qyrkúıekte bastalady

ASTANA. KAZINFORM – 30 tamyz Konstıtýtsııa kúni merekesine oraı jańa oqý jylyn bastaý kúni aýysyp otyr. Bul týraly Oqý-aǵartý mınıstri Ǵanı Beısembaev málim etti.

- Jyl saıyn oqý jyly 1 qyrkúıekte bastalyp, 25 mamyrda aıaqtalady. Biraq, bıyl oqý protsesi 2 qyrkúıekte bastalady. Bilim kúnine oraı saltanatty jıyndy ótkizý kúni men ýaqyty mekteptiń pedagogıkalyq keńesiniń sheshimimen aıqyndalady,- deıdi Ǵanı Beısembaev Úkimet úıinde ótken baspasóz máslıhatynda.

Aıta ketsek, qazaqstandyqtar tamyz aıynda kúntizbege sáıkes demalady. Odan bólek, aıtýly mereke 30 tamyz — Konstıtýtsııa kúni kele jatyr. 

Konstıtýtsııa kúnine baılanysty qazaqstandyqtar:

— bes kúndik jumys aptasynda qatarynan úsh kún demalady: 30, 31 tamyz jáne 1 qyrkúıek (senbi, jeksenbi, dúısenbi);

— alty kúndik jumys aptasynda — eki kún demalys 30 jáne 31 tamyz (senbi, jeksenbi).