Bıyl Qazaqstannan et alatyn elderdiń sany artady
ASTANA. KAZINFORM — QR Aýyl sharýashylyǵy vıtse-mınıstri Amanǵalı Berdalın Qazaqstannan mal sharýashylyǵy ónimderin alatyn elderdi atady.
— 2025 jyly 16 veterınarııalyq sertıfıkat kelisilip, qol qoıyldy. Bul Eýropa odaǵy elderine, Ulybrıtanııaǵa, Irakqa, Iranǵa, AQSh-qa, Kanadaǵa, Vetnamǵa, Parsy shyǵanaǵy elderine jáne basqa da baǵyttarǵa mal sharýashylyǵy ónimderin eksporttaýǵa múmkindik beredi, — dedi A. Berdalın Senatta mal sharýashylyǵyn damytý perspektıvalaryn talqylaý kezinde.
Onyń aıtýynsha, bıyl Qytaı Halyq Respýblıkasyna (qus eti, salqyndatylǵan et, iri qara, usaq mal jáne shoshqa sýbónimderi eksporty boıynsha), Eýropa odaǵyna (jylqy eti jáne akvasharýashylyq), Pákistanǵa (iri qara, usaq mal, qus eti jáne ózge de ónimder) jáne basqa elderge mal sharýashylyǵy ónimderiniń eksporttyq nomenklatýrasyn keńeıtý boıynsha jumys josparlanǵan.
Budan buryn habarlanǵandaı, búgin Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń keńeıtilgen otyrysynda depýtat Arman Óteǵulov mal sharýashylyǵy salasynda anaqtalǵan máselege egjeı-tegjeıli toqtaldy.