Bıyl elimizde 217 myń túlek mektep bitiredi
ASTANA. KAZINFORM – Bıyl el aýmaǵynda sońǵy qońyraý saltanatty sharasy 23-24 mamyrda ótedi. Bul týraly Oqý-aǵartý mınıstri Ǵanı Beısembaev málim etti.
- Oqý jylyn «Bilimim – Otanyma» biryńǵaı synyp saǵatymen qorytyndylaý josparlanyp otyr.
11-synyp túlekterine arnalǵan saltanatty sharany ár mekteptiń pedagogıkalyq keńesiniń sheshimine sáıkes «Mektebim, saǵan myń alǵys!» taqyrybynda 23-24 mamyrda ótkizý usynylady, - dedi Ǵanı Beısembaev Úkimet otyrysynda.
Túlekterge attestatty tapsyrý rásimi 18-20 maýsym aralyǵynda ótedi.
- 9 jáne 11 synyp oqýshylarynyń qorytyndy emtıhandary 29 mamyr-16 maýsym aralyǵynda tapsyrady. Bıyl 11-synypty 217 myń túlek aıaqtaıdy, sondaı-aq 9-synyp bitiretin 364 myń oqýshy mektepte oqýdy jalǵastyrý nemese kolledjge túsý týraly sheshim qabyldaıdy,- deıdi ol.
Aıta ketsek, keshe Túrkistan oblysynyń oqýshysy UBT-dan eń joǵary 140 upaı jınady.
