BEISENBAI QORYMY

Beısembaı qorymy - HІH ǵasyrdyń aıaǵynan saqtalǵan sáýletti eskertkish. Mańǵystaý oblysynyń Fort-Shevchenko qalasynan 25 shaqyrym jerde ornalasqan.

Eskertkishti 1978 jyly Qazaqstan qalpyna keltirý jáne jobalaý mekemesiniń ekspedıtsııasy zerttegen.

Qorym iri qurylystar (kórhana, saǵanatam, tórtqulaq qorshaý) men arhıtektýralyq belgitastardan (kóktas, qulpytas, taǵy basqalar) turady.
Mazarlardyń kópshiligi - buryshtary bıiktetile qalanǵan, aq tústi, órnek bederleri jaqsy saqtalǵan saǵanatamdar. Túrli geometrııalyq pishindegi qulpytastar men qoıtastar erekshe jasalǵan. Qoıtastar eskertkishtiń jalpaq tuǵyr tasyna ornatylǵan. Bulardy jalpaq oıýlar men bederlep, keı jerlerinde keskinderdi boıap bezendirgen. Qarý-jaraq túrleri, arab áripimen qazaq tilinde arnaý-baǵyshtaýlar qashalyp túsirilgen.

Beısenbaı qorymyndaǵy jeke eskertkishter pishiminiń (esiksiz saǵanatamdar, tuǵyr túrindegi qoıtas, taǵy basqalar) ózgesheligimen erekeshelenedi.

Derek kózi:

Qazaqstan ulttyq entsıklopedııasy 2 tom.