Benný asteroıdynan ákelingen topyraqtan ne tabyldy

NASA bizdiń planetamyzdan 3 mlrd km qashyqtyqtaǵy Benný asteroıdynan úsh apta buryn Jerge jetkizilgen topyraq taldaýynyń alǵashqy nátıjecin jarııalady. Juldyzaralyq shańnyń hımııalyq quramyn zertteý nátıjesi onda kómirtek pen sý mólsheri kóp ekenin kórsetti, dep habarlaıdy Kazinform agenttigi VVS jańalyqtaryna silteme jasap.

Saraptama júrgizgen Arızona ýnıversıteti ǵalymdary bul jańalyq tirshiliktiń áý basta bizdiń planetada paıda bolmaǵanyn, Jerge ǵaryshtan ákelindi degen gıpotezany janama rastaıtynyn aıtty.

Asteroıdqa saıahat tórt jyldan astam ýaqytqa sozyldy.

NASA-nyń OSIRIS-REx mıssııasy 2016 jyldyń qyrkúıeginde iske qosylǵanymen, qurylǵy kózdegen jerge 2020 jyldyń qazan aıynda jetip, topyraq úlgilerin jınady.

Osırıske oralý úshin taǵy úsh jyl qajet boldy.

Qundy júk ıÝta shóline jetkizilip, Tehas shtaty Djonson qalasyndaǵy NASA zerthanasyna taldaýǵa jiberildi.

«Bul - Jerge ákelingen eń úlken jáne kómirtegine baı asteroıd úlgisi», - dedi NASA ákimshisi Bıll Nelson.

Onyń hımııalyq quramy áldeqaıda qyzyq.

Nelsonnyń aıtýynsha, úlgidegi kómirtegi mólsheri jalpy salmaqtyń 5%-yn quraıdy jáne tek mıneraldy túrde ǵana emes, sonymen qatar kúrdeli organıkalyq qosylystarda da tabylǵan. 

Ǵalymdar bastapqyda boljaǵandaı, sý saz mıneraldarynyń krıstaldyq qurylymynda «qamalyp» qalǵan.

Bir nusqa boıynsha, jer birden «kók planetaǵa» aınalǵan joq: muhıttar, teńizder, ózender men kólderdi quraıtyn sýdyń barlyǵy derlik 4-4,5 mlrd jyl buryn bizdiń planetamyz asteroıdtarmen jappaı bombalanǵan kezde ǵaryshtan jetken.

Zerthana ǵalymdary bul zertteýdiń bastamasy ekenin atap ótti.

Juldyzaralyq shań túıirshikteri áli talaı qupııany ashýy múmkin.

Sondyqtan ákelingen úlginiń úshten bir bóligi kishirek bólikterge bólinip, odan ári zertteý úshin dúnıe júzindegi ondaǵan zerthanalarǵa jiberiledi.

Buǵan deıin Benný asteroıdynan topyraq ákele jatqan kapsýla Jer betine aman-esen qonǵanyn jazǵan bolatynbyz.