Belarýste 1 tamyzdan bastap balalardyń járdemaqysy ósedi

ASTANA. QazAqparat - Belarýste 2017 jyldyń 1 tamyzynan bastap úsh jasqa deıin balaǵa kútim jasaý boıynsha beriletin járdemaqy ósedi, dep habarlaıdy BELTA.

«Balalardy tárbıelep otyrǵan otbasylarǵa memlekettik járdemaqy» týraly zańnyń jańa redaktsııasyna sáıkes 2013 jyldyń qańtarynan bastap úsh jasqa deıingi balaǵa kútim jasaý járdemaqysy otbasyndaǵy bala sanyna baılanysty. Birinshi balaǵa respýblıkadaǵy jumysshynyń ortasha aılyq jalaqysynyń 35%-yn, ekinshi jáne odan keıingi balalarǵa - 40%-y tólenedi. Al múgedek balaǵa járdemaqy ortasha jalaqynyń 45%-y taǵaıyndalady.

Belarýs zańnamasynda otbasyndaǵy balalardyń týylýy men tárbıelenýine baılanysty járdemaqynyń 11 túri qarastyrylǵan.

Maýsym aıynda úsh jasqa deıingi bala kútimi boıynsha tólenetin járdemaqynyń reti ózgertildi.