Bekzad Nurdáýletov reseılik boksshyny qapy qaldyrdy
2019 jylǵy álem chempıony jáne Tokıo Olımpıadasynyń qatysýshysy Bekzad Nurdaýletov (6-0, 2 KO) reseılik boksshy Nıkıta Zondy jeńdi, dep habarlaıdy Kazinform.
Nurdáýletov pen Zon 80 keli salmaq dárejesinde alty raýndtyq jekpe-jek ótkizdi. Úshinshi raýndta Bekzad qarsylasyn nokdaýnǵa túsirdi.
Aıqas qorytyndysy boıynsha boks qazylary biraýyzdan jeńisti qazaqstandyq bylǵary qolǵap sheberine berdi.
Eske salaıyq, buǵan deıin buǵan deıin Sanjar Táshkenbaı ózbek boksshysynan basym túskenin jazǵan bolatynbyz. Sondaı-aq taǵy bir qazaqstandyq boksshy Mahmud Sabyrhan da kýbalyq bylǵary qolǵap sheberin aıqyn basymdyqpen jeńdi.
Al, quramanyń úzdigi Aslanbek Shymbergenov meksıkalyq boksshy Hose Mıgel Borregodan, Erasyl Jaqpekov nıderland boksshysy Gradýs Klaýstan jeńilip qaldy. Taǵy bir otandasymyz Serik Temirjanov Serbııa atynan synǵa túsken boksshyǵa ese jiberdi.
