Baıqońyrdan alǵash ret «Suńqar» zymyrany ushyryldy
ASTANA. KAZINFORM – 2026 jylǵy 30 sáýirde Astana ýaqyty boıynsha saǵat 23-te «Báıterek» ǵaryshtyq zymyran kesheninen «Soıýz-5» («Suńqar»)zymyrany ushyryldy.
Paıdaly júkteme maketi bar «Soıýz-5» zymyrany 31 naýryzda ǵarysh aılaǵynyń temirjol tarmaǵy boıynsha alańnyń 42 montajdaý-synaý korpýsynan shyǵaryldy jáne alańnyń 45 ushyrý qurylǵysyna tik kúıde ornatyldy.
Bir aıǵa jýyq ýaqyt boıy «Báıterek» ushyrý kesheninde jerústi kesheni men jańa zymyrannyń negizgi synaqtary júrgizildi.
Birinshi synaq ushyrylymy jer orbıtasyna paıdaly júkteme maketin shyǵarmaı sýborbıtaldy traektorııa boıynsha oryndaldy.
Іske qosýdyń negizgi maqsaty – ushyrý kesheni jabdyqtarynyń, zymyran tasyǵyshtyń qozǵaltqyshtary men júıeleriniń, baǵdarlamalyq qamtamasyz etýdiń jumysyn tekserý.
«Báıterek» ǵarysh zymyran kesheni (ǴZK) — ǵaryshtyq ushyrýdy júzege asyrý úshin «Baıqońyr» kesheninde jerústi ǵarysh qurylymyn qurý jónindegi Qazaqstan men Reseıdiń birlesken jobasy.
Baıqońyrdan «Soıýz-5» zymyranyn ushyrý keıinge qaldyrylǵanyn jazǵan edik.
