Baıqońyr

QazAqparat «Tarıhı foto» aıdaryn usynady. Búgin redaktsııa Baıqońyr ǵarysh aılaǵynan ǵaryshtyq ekıpajdardyń ushyrylýy týraly áńgimeleıdi. 

«Baıqońyr» ǵarysh aılaǵy 1957 jyly Qazaq KSR aýmaǵynda salynyp, sol ýaqytta paıdalanýǵa berildi. Sol jyldyń 4 qazanynda osy jerden Jerdiń tuńǵysh jasandy serigi ushyrylyp, 1961 jyly 12 sáýirde Baıqońyrdan ǵaryshqa tuńǵysh adam – ıÝrıı Gagarın ushty. Bul kún tek postkeńestik respýblıkalar úshin ǵana emes, sonymen birge búkil álem úshin mańyzdy. Adamzat ǵaryshty armandap qana qoımaı, juldyzdar men zerttelmegen álemge qaraı jyljı bastady.

1993 jylǵy 25 aqpanda Ǵaryshtyq zertteýler agenttigi Mınıstrler kabınetiniń janyndaǵy Ulttyq aeroǵarysh agenttigi bolyp qaıta quryldy. Onyń dırektory bolyp qazaqtyń tuńǵysh ǵaryshkeri Toqtar Áýbákirov taǵaıyndaldy. Sondaı-aq Baıqońyrda qazaqstandyq ǵalym Meıirbek Moldabekovtiń jetekshiligimen «Baıqońyr ǵarysh aılaǵy» UAǴA basqarmasy quryldy.

Qazaqstan óziniń ǵaryshtyq zertteýlerin jalǵastyrý múmkindigin alyp, sondaı-aq óziniń ǵaryshkerleri – ǵaryshta tuńǵysh ulttyq ǵylymı baǵdarlamany aıaqtaǵan Toqtar Áýbákirov pen ǵaryshqa úsh ret ushyp, sol kezde rekordsmen atanǵan Talǵat Musabaevqa ushý múmkindigin berdi. Ol ekıpaj kapıtany retinde orbıtada 200 táýlikten astam astam ýaqyt ótkizip, sonymen qatar birneshe tájirıbeni sátti aıaqtady.