Baıanaýylda demalys maýsymy qashan ashylady

PAVLODAR. KAZINFORM — 15 maýsymda Jasybaı kólinde Pavlodar oblysynyń dene shynyqtyrý jáne sport basqarmasynyń uıymdastyrýymen jazǵy demalys maýsymynyń ashylý saltanatyna arnalǵan kontsert ótedi.

Baǵdarlama aıasynda qolóner sheberleriniń jármeńkesi, anımatorlardyń qatysýymen balalarǵa arnalǵan qyzyqty is-sharalar, sporttyq jáne ulttyq oıyndar, jaǵajaı voleıbolynan jarystar, arqan tartys uıymdastyrylmaqshy.

Basqarmanyń málimetinshe, demalýshylar tórt baǵyt boıynsha ekskýrsııalar tańdap, demalýǵa múmkindikteri bar.

Baıanaýyl baýraıynda ornalasqan Kempir tas, Toraıǵyr kóli, Áýlıe bulaq, Saıman tas, Qońyr áýlıe, Birjankól syndy kórikti mekenderdi aralaýǵa bolady.